Sunday, January 10, 2010

زيارتي الممتعة لـcraft land

Posted by miia at 1:40 AM

والله اني وايد متحمسة اكتب عن هالزيارة ولو ماكنت مصدعة ورادة من برا الساعة 2 الفير ولا كنت كتب عن الموضوع على طول، والسبب الأساسي ان ريلي خش اللابتوب عني وفصل النت يدري عن ادماني وحماسي الوقت كله في الدرب وانا ارمس عن الموضوع،،،،

قبل لا اكتب اخص بالشكر واللي كانت السبب اني ازور المكان لأختي اللي توني متعرفة عليها، الأخت mayya من سلطنة عمان صاحبة مدونة ، فحبيت اني ألبي امنيتها بزيارة هذا المحل واللي اهدي لها هذا الموضوع كعرفان لجميلها…

بسم الله نبدأ،،،

أول ما وصلت المحل في down town في الجميرا ، انبهرت بشكله من الخارج، وللعلم ان المحل توه صارله 3 اشهر فاتح، لأني متعودة اتغدا في الاوبرج واعرف كل اللي موجود في هاك المركز، وما جد شفت هالمحل،،،

 

وبعدها سرت وكلمت العاملات اني اصور علشان احطه في مدونتي فكلموا صاحبة المحل مدام السيدة جينفر، واللي كلمتها شخصيا في التليفون وخبرتها بنيتي في التصوير لصالح مدونتي ورحبت بالفكرة وطلبت منها ايميلها عسب اطرشلها الرابط…

وهني بديت التصوير، ومن يوقفني عاد :)

للعلم هالمحل ينظم دورات للـquilt والكروشيه…

 

هني اول ما اتدشين المحل وعرض للمنتجات الجديدة

عارضين في المحل اقمشة قطنية للـquilting ومكاين الخياطة المعروفة شرات brother و pfaf ومكاين خياطة بعد، وازف بشرى للي عندهن مكاين بروذر ان المحل بعد فترة بيوفرون قطع الغيارات مثل الاقدام foots الخاصة بالكشكشة وطويات التنظيف المختلفة الخ الخ….

هني هالكورنر فيه اوراق الباترون المسطر والفازلين بأنواعه الخاص بالتضريب والترقيع والتطريز

هني طانات الاقمشة اللي تخبلت عليهن للعلم المتر عندهم بـ30 درهم….

هني ستاند للبييه بأنواع وحتى بأدوات صنع البييه اللي ما خليت مكان ما دورت عليه ومالقيته الا اون لاين فوايد استانست يوم شفته،،،

هني ركن الشرايط وشكلهن لذيذ،،،مو لذيذ اكل،،، لذيذ متعة للعيون،،، ما اعرف كيف اشرح يمكن اللي اتموت في الشرايط تفهمني…:)

وهني هالدفاتر الملونة اللي تكحل عينج يوم اتشوفينهن…

تشكيلة من مختلف الابر

هني المقصات المدورة والكترات

مجلات خاصة بالكروشيه نسيت اتصفحهن، المرة الياية ان شاءالله===> هذا اذا طاع ريلي يوديني…باتعرفون السبب عقب…

آآآآآآآآآآآآآآآآآآآآه، ييت على العوق، شو تتوقعون هذا…انزلوا تحت

 

 

 

تعالوا….

 

 

 

 

 

زراير، خبااااااااااااالي…..

هذا جانب من المحل

تحته مكتبة خاصة بتعليم الكروشيه والترقيع

هني المساطر، اللي ما تخيلت الاقيهن اي مكان في الدولة لأني يأست وكنت ناوية اسويلهن اوردر…من كل حجم وشكل ولون وغرض

صورة اقرب

هني عاده شغلات الكروشيه والخيوط اللي تخبلت عليهن ولو اني مالي فيهن

جانب من المحل

هني عجبتني شكل الخيوط

هني الجانب اللي ما خزت منه، مكتبة طانات القطع الوان واشكال اتخبل

هني كولكشن محبي التطريز بأنواعه، الشرايط والحرير…

صور اقرب

هني الاشغال الجاهزة وباتروناتها

هني وهم يقصن القطع لي…

هني وين مكابس الزراير الحديد المتنوعة

هذول القطع اللي تنقيتهن

وهذا جانب من اغراضي

هذا مثال للتطريز بالشرايط

وهذا السبب اللي يخلي ريلي ما اييبني هني مرة ثانية :)

هذي جيسة اغراضي

وهذي اغراضي بعزقتهن اول ما ييت البيت

القطع

القطع الصغار للترقيع

مكبس الزراير واداة البييه

شرايط الريكراك

الزراير كان ودي اغرف لو ما غلاتهن الحبة اتييج لى 6 او 8 دراهم

باترون فاضي مسطر،،،،

الانطباع الاخير للمحل…

المحل مميز بأغراضه يعني ما تلقون شي عنده موجود برا، مثل الباترون الفاضي المسطر، المساطر المختلفة، أدوات البييه والزرار المختلفة، هو غالي حبتين لكن تدفعين وقلبج بارد، بدل ما اتسوين اوردر لأمازون صكي هالدرب واشتري من عندهم ووفري عليج تكافة التحويل والبريد…

وقريبا بيوفرون باترونات للملابس وورش عمل ودورات لخياطة الملابس، هنيالكن يا بنات دبي طبعا والمحل مثل ما قلت صارله 3 اشهر مفتوح وكل ماله يزدهر كونه مثل هالنوع من التجارة غير متوفر عندنا بكثرة وصار عليه طلب اكثر من قبل…وان شاءالله عما قريب بيسوون تجارة الكترونية عن طريق محلهم لتسهيل البيع والشراء منه خصوصا بداخل الامارات والخليج عموما…

المحل ما عليه كلام وينصح وبشدة لزيارته خصوصا المدمنات منكن…وفي النهاية، هذا موقعهم لكافة التفاصيل http://www.mycraftland.com فيه كل تفاصيل الدورات والورش، والسيدة جينفر صاحبة المحل سيدة طيوبة وحبوبة,,, وشوفكن المرة القادمة ادعولي اوصل برنينا كل ما وصلت القى المحل مسكر،…

6 comments:

Mayya @ Sew Chic and Unique on January 10, 2010 at 8:32 AM said...

حبيبتي miia
والله اني ما قدرة اني اعبر عن شعوريمشكورة يا الغالية على هذه الزيارة ل كرافت لاند المكان رهيب ما شاء الله و مثل م قلت في كل شيء ياااااه نفسي اروح اليوم قبل بكرة بس للأسف ضروفي ما تسمح حاليا

My Dear Miia
Thank you so much for posting such an informative post on Craft Land it has exceeded my expectations as it has everything that crafter/sewist can dream of!
I do hope to pay a visit soon, thank you once again for dedicating this post to me.

Peach Rainbow on January 10, 2010 at 1:06 PM said...

i came here from mayya's blog, even though i can read the qur'an i cannot understand arabic , but as mayya said; your pictures speak a thousand words!
and this only motivates me to learn my arabic soon(which has been halted a bit due to my laziness!)
BTW is there a button or something to translate
this, so that i can read this blog

nima on January 10, 2010 at 3:26 PM said...

Mia...thank you so much for posting this ...i cannot wait for my next Dubai trip to visit this shop.I really missed it during my last visit 2 weeks back....

miia on January 10, 2010 at 5:03 PM said...

مرحبا اختي mayya على تواجدج في موضوعي وأنا جدا سعيدة بأن الزيارة اسعدتج واعجبتج، في انتظار زيارتج عزيزتي عسب انهايت في محلات الكرافت والخياطة...

"peach rainbow", Hi there and thanks for passing by here, i hope one day to publish blog in English language, but at the moment you can enjoy the pictures, till then i can add some translation widget so it can make the reading possible.

"nima" you wont' miss any thing honey, any time you come to Dubai you will find something charming and fascinating on it, so your next plan is hitting the craft land store, thanks for passing by

طموحه بوظبي on January 11, 2010 at 9:52 AM said...

مشكور الغاليه على الموضوع الاكثر من رائع

وان شاء الله بتكون لي زيارة للمحل :)

Anonymous said...

انا زرت المحل....وبصراحة كان روعه

وعطوني هدايا وايد.....مشكورة على التقرير الحلو

ننتظر الجديد

Post a Comment

 

ع miia © Baby Shop is Designed by Ipietoon Sponsored by Emocutez | تعريب وتطوير : حـسـن