Sunday, January 3, 2010

وأخيرا،،،،إجازة

Posted by miia at 1:39 AM

آآآآآآآآآآآآآآآه،،، ما صدقت على الله افتكيت من الامتحانات وبدأت إجازتي، هذا الكورس بالذات عانيت بشكل مش طبيعي بسبب الامتحانات الاسبوعية والضغط، وأخبركم انها اخر سنة لي في الكلية علشان جذا استويت مخدرة لا اشوف لا اسمع لا اتكلم،،،

حسيت اني اهملت بنتي ماميـ من الخاطر لكن الحمدلله بيضت الويه في درجاتها وتفهمت انشغالي عنها بطريقتها الخاصة فديتها…

منيتها هالاجازة اني باخيطلها كنادير للعلم اخر كندورة فصلتها هي هذي،،،

هي وميا لكن ميا سويتلها اياه بشكل قميص لأن القطعة الصفراء خلصت،

أما المشروع الثاني وكان المفروض يخلص للعيد كان هالديزاين،،،

اللي ما زال مشروع على ورق،،،

 

وركام على دروج=عمل غير مكتمل :)

ما علينا،،،

بالكلام عن انشغالي عادتي احب ادلع بنتي وربيعاتها بشغلات وكروت وحركات حلوة وحبيت اني ادخل هالفكرة في راس بنتي واهيء لها الجو انها تهتوي scrapbooking، لأني حسيتها تحب القصاقيص وهالشغلات، وكانت البداية بأني سويتلها جدار خاص فيها

“ وعلى فكرة شغلة الجدار طريقة لتعزيز الثقة بالنفس عند الطفل” عسب انها في حالة سوت شي اتعلقه في هالجدار،

طبعا هي مو مخلية ستيكر ولا شغلة الا وعلقتها، وديت أفاجئها بشي بعد ما عجبتني علامتها واشتغلنا انا وياها في بطاقة لها، وفاجئتها في النهاية انها لها

، واكيج اكيد استانست فيها،،، على العموم مثل ما خبرتكم رجعنا للأجازة وبانرجع لأنهاء ما بدأناه معاً،، اشوفكم في لقاء آخر… تاتااا

3 comments:

طموحه بوظبي on January 6, 2010 at 1:09 AM said...

ما شاء الله وايد حلو ،،، ما جربت تفصيل الجلابيات

حلوه فكره اللوحه

miia on January 6, 2010 at 8:06 PM said...

مرحبا عزيزتي طموحة، انا بنتي تلبس كل انواع الملابس، لكن الفترة الاخيرة حبيت اعودها على الجلابيات لكن بشكل مطور وبشكل يظهر طفولتها، لبست هالجلابية عيد الفطر لما التموا الاهل على العشاء، مع شباصة خاصة فيها، وطقمن هي واختها لس ميـا كان على شكل تنورة وقميص وكان حلو اللوك طالع عليهن وميزهن والكل كان يتنشدني كيف سويتيه ومتى تعلمني، بس صدق حسيت بنتي ماميـ كانت وايد فخورة في اللمة انها لبست شي من شغل يدي، وبعدها عاهدت على نفسي ابدع في جلابياتها،،،جربي وعلى فكرة الجلابيات تطلع حلوة في البنات الصغار

أدري وايد ابربر،،،وهذا عوقي :)، على العموم عزيزتي حياج على المرور

Anonymous said...

افكار حلوة

Post a Comment

 

ع miia © Baby Shop is Designed by Ipietoon Sponsored by Emocutez | تعريب وتطوير : حـسـن