كليبس للشعر،،،بألوان الفرح

ألوان الفرح هم لونين عندي، وهاللونين يعبرون عن شخصيتي المتقلبة والمرحة في نفس الوقت الفوشي والليموني

وبمناسبة اعترافي بهالشي :) واعتذارا لي عن انشغالي وتوقفي عن الكتابة والتدوين فترة

أهديكم هذا العمل

أساور الصداقة، طريقة تعبر فيها بنتج عن نفسها

if you want to read this post in English click here

كانت بنتي الفترة الاخيرة تواجه مشاكل مع صديقاتها في المدرسة، فأحببت انا وياها اننا نسوي أساور توزعها على صديقاتها، تعبر لهن عن صداقتها وفي نفس الوقت تتباهى بأنها سوتهن وهذا اللي يحبونه البنات عادة، اخليكن مع الصور اللي تعبر عن نفسها

اتقصين الاساور بقماش الجوخ بهالطريقة تقريبا عرض انش ونص والطول حسب دوران المعصم

هني المجموعة اللي بنشتغل عليها

هذي بداية شغلنا

وهذول جزء من المجموعة اللي اشتغلنا عليها

نظرة اقرب

وأقرب اكثر...اشوفكم بعدين

if you want to read this post in English click here

طوق ماميـ،،، الاحمر...

to read this article in English click here

ادري صارلي مدة مقصرة في التدوين، خصوصا اني وعدتكم اراويكم اخر اعمالي او على الاقل شغلي للموديل اللي خبرتكم عنه في موضوعي السابق

لكن تدرون انشغالي يخليني ما استمر في الخياطة لكن كل ما لقيت فرصة اشتغل على الموديل

الموهيم، كنت سايرة عند اهلي الجمعة كالعادة وبنتي لبست بدلة جديدة حمراء...فسويتلها طوق والله ما خذا مني 10 دقايق اخليكم مع الصور

واشوفكم بعدين

to read this article in English click here

اعطيكم لمحة عن الشغلة اللي شاغلتني هاليومين

to read this article in english click here

وان شاءالله اراويكن المستجدات عما قريب

to read this article in english click here

أخيرا تجرأت،،،اراويكم فوضتي، الواني، خيوطي وحياتي

وأخيرا بعد ما فتحت لكم قلبي، افتح لكم اكثر الاماكن سريه في حياتي...باب حجرتي وبالأخص كورني الخاص بالخياطة،،،

والصور كالعادة ابلغ من الكلام

ماكينة السرفله خذتها ب400 درهم

brother bm2600

خذتها من جامبو الفلاح بتقريبا 600 درهم

جانب من كتب الخياطة واغراض التلوين، ما اقولكم استلهم وايد من الالوان

مصاطري المتنوعة

دروج الاغرا

فتحت كمن درج

مخزون الاقمشة واغراض الكرافت وبعض الادوات تحت الطاولة

أكيد باتقولون الله يعين الريال اللي يبات هني، ادري، والله يخليه لي يا رب ولعياله،،،ادعولي،،،

واااااااو مستانسة بالمرة

To read this article in english click here

تعرفون انا مسوية نسختين لمدونتي واحدة بالعربي والثانية بالانجليزي لأن كثير طلبوا مني ها على الايميل...

الموهيييييم

جان،،،،توه وصلني مسج من معجبة تخبرني انه نشرولي موضوع لوحة الملاحظات في موقع craft gossip ما تتخيلون فرحتي...اخليكم مع رابط الموضوع تتطلعون عليه

http://sewing.craftgossip.com/tutorial-no-sew-fabric-covered-magnetic-noteboard/2010/03/08/

To read this article in english click here

تجربتي الاولى في إعادة تدوير الملابس

هذي تجربتي في اعادة التدوير، للأسف الكاميرا ما كانت جاهزة عند التطبيق، التنورة بالأساس كانت فستان صيفي مال مياأ والقميص ما جد لبسته لأن ما له شي يناسبه، فحولت الفستان إلى تنورة وقطع الفستان سويت منها وردة جانبية...أخليكم مع الصور

وأشوفكم في مواضيع ثانية

طريقتي في ترتيب شرايط الـric rac

؛

 

؛

،

مرحبا عزيزاتي

 

صارلي مدة ما حطيت مواضيع جديدة في المنتدى، والله اني اصور لكن المشكلة اتكسل احط الصور خصوصا الفترة الاخيرة كنت مشغولة بدراستي

 

الموهييييم

كنت ارتب ساماني ولاحظت ان شرايط الـric rac او الشرايط اللي اتييج مموجة that i adore alot مو مرتبات وكل يوم والثاني يتناشبن مع بعض بينهن البين

 

كان في خاطري يكون عندي هالمشبك، وما خليت مكان ما دورته امبوني ما يعيزني شي من ادري بمكان اوصله لو وين ما كان

الموهيييييم وفكرت ام رشوووود شو اتسوي، وعرفت الحل

 

عندي استروووس ملونات (مصاصات) مال العصاير، خذتهن ولفيتهن كل خمس للكبار وكل 2 للصغار

شوفوا شو طلع وياي

تميت العب في الالوان شي حطيته نفس اللون وشي كسرتبه اللون بلون ثاني

ها شو رايكم

يالله تهنوا وكحلوا عيونكم بالألوان

،

 

،

؛

مشروع العلوم لبنتي ماميـ

بدت المدارس وبدأ الشغل الجد، وماميـ صارلي مدة هاملة مشاريعها كوني الحينة تدريب عملي عن طريق الكلية، ما علينا قلت اعوها عن هالاهمال واشتغل معها في مشروع العلوم "plant parts"...خلوني اراويكم الشغل واسمحوليه على التصوير الاضاءة عندي في الحجرة كانت هم على القلب...نرجع لموضوعنا...

التفاصيل كثيرة...لكن انا بحاول اشرح قدر الاستطاعة...

اقصص اشكال ارضيه اللوحة، عن طريق قماش الجوخ

هذي الطريقة

اييب ستيكس مال الباربيكيو...وألمهن على بعض...

اييب كلينكس والفه على الستيكس

اييب غرا الخشب شويه في صحن واحط عليه سويه ماي

ادهن فوق الكلينكس وأحاول بعدها اغط على الكلينكس عسب يتماسك على الستيكس

هذا شكله النهائي

احاول اخليه على جنب واذا انتي مستعجلة حطيه على السشوار

بعد ما ينشف ييبي لون اخضر من اي نوع

ولوني الستيك طبعا وهو ناشف

بقية الدرس مختفي من الموبايل مش عارفة وينه :) ان لقيته باراويكم الباجي بس اتوقع ترومون اتخمنون الباجي...اترككم مع الصور النهائية

النحولة الصغيرونه

هني الليبلس اروم اطلعها من ملاقط الغسيل الصغار

النحولة ورانا ورانا

ها،،،، شو رايكم..

المرة الياية باتأكد عدل من التصوير والسموحة المرة الثانية...