Wednesday, February 24, 2010

مشروع العلوم لبنتي ماميـ

Posted by miia at 11:41 PM 1 comments Links to this post
بدت المدارس وبدأ الشغل الجد، وماميـ صارلي مدة هاملة مشاريعها كوني الحينة تدريب عملي عن طريق الكلية، ما علينا قلت اعوها عن هالاهمال واشتغل معها في مشروع العلوم "plant parts"...خلوني اراويكم الشغل واسمحوليه على التصوير الاضاءة عندي في الحجرة كانت هم على القلب...نرجع لموضوعنا...

التفاصيل كثيرة...لكن انا بحاول اشرح قدر الاستطاعة...


اقصص اشكال ارضيه اللوحة، عن طريق قماش الجوخ

هذي الطريقة

اييب ستيكس مال الباربيكيو...وألمهن على بعض...

اييب كلينكس والفه على الستيكس

اييب غرا الخشب شويه في صحن واحط عليه سويه ماي

ادهن فوق الكلينكس وأحاول بعدها اغط على الكلينكس عسب يتماسك على الستيكس


هذا شكله النهائي
احاول اخليه على جنب واذا انتي مستعجلة حطيه على السشوار


بعد ما ينشف ييبي لون اخضر من اي نوع


ولوني الستيك طبعا وهو ناشف

بقية الدرس مختفي من الموبايل مش عارفة وينه :) ان لقيته باراويكم الباجي بس اتوقع ترومون اتخمنون الباجي...اترككم مع الصور النهائية




النحولة الصغيرونه

هني الليبلس اروم اطلعها من ملاقط الغسيل الصغار


النحولة ورانا ورانا



ها،،،، شو رايكم..

المرة الياية باتأكد عدل من التصوير والسموحة المرة الثانية...

Thursday, February 18, 2010

ملهماتي للخياطة 2010

Posted by miia at 2:24 AM 0 comments Links to this post

هذي ملهماتي اللي حبيت اشارككم فيها
واللي ممكن تعطيكم افكار او ممكن اتشاركوني ببعضها
هذي السنة اسمها happy vintage اللي هي عبارة عن
الستينات مع ايحاء السبعينات وبالاضافة الى رتوش الاعلانات على الوان الاطفال
وقصصهم الممتعة...بالصور باتفهمون اكثر...
















تطغي على السيزون الالوان المخططة والبولكا دوتس الابيض على خلفية حمراء او ازرق غامق، اساسا الوان المارين هي الاساس، والاخضر بخفه...ولنا عودة،،،

Tuesday, February 16, 2010

سويت التطبيق اخيرا:::ما تتخيلون فرحتي

Posted by miia at 1:49 PM 0 comments Links to this post
خاطري من زمان اسوي التطبيق لكن انا نوعيتي التردد يزود خوفي، خذتلي بريك الفترة الاخيرة اتعلم فيها التطبيق واشوف الدروس بحذافيرها اليما الحمدلله ضبطت معي...

ولدي يموت في التقحيص للعلم بو عبدالله عمره سنتين لكن كله يقحص ويزاعج "حبتين للكلوزر العسلي" :) فقلت دام فيها كلوزر ذهبي خل اسويله واحد، مغامره في ربوع الصحراء :)

وللعلم بعد اني اول مرة اسوي بنطلون، كنت خايفة اطينها لكن طلع البنطلون اسهل بكثير مما تصورت وعادي اتخلصينه في ساعة او اقل...

خل اراويكم الصور *ملاحظة تراني بعدني ما خلصت بنطلون البيجاما بس بقا اركب المطاط الكمر...

هذي السيارة اللي باركبها


وفوق خيارات السيارات اللي كنت ناوية اسويها


وهني وين حطيته وثبتته


وهذي صورة اقرب


closer


and closer


هذي ارجل البنطلون


وهذي زاوية ثانية من البنطلون من يخلص باصوره لكم كامل

وأخيرا:::خلصت الجلابية اللي المفروض اتكون لعيد الاضحى

Posted by miia at 1:28 AM 6 comments Links to this post
To read this article in english click here

عوووووووقي زوجي اللي ما يخليني اخيط، ودوم يخبي اغراضي،،،بس من حقه واعليه بعد ما يصير زواج مسؤالية عيال ودراسة وفوق هذا كله اهتم بهواياتي، فاحتمال كبير اخصص يوم في الاسبوع لهواياتي طبعا بعد ما يوافقون عليها السلطات العلبا...

الموهيم::: في مرة راويتكم سكيتش الموديل اللي سويته وعرضته في مواضيع سابقة  وهو عبارة عن بولكا دوتس بجسفتين تحت خط الصدر



طبعا كنت محتارة بس الجسفتين وبين القاذرينج "الكشكشة" بس الحمدلله الكسرتين طلعن حلوين لأن شي موديل ثاني ناوية اسوي عليه قاذرينج

هذي الصور لما كان الموديل قيد الانشاء

هالوردة شفتها في النت وحاولت اطبقها وبعد ما خلصتها قلت يا ريت سويتلي وردة يويو افضل على العموم حاولت اعدل فيها

وهذا هني الشكل النهائي

هالوروود الصغار لقيتهن في دايسو

هذول الجسفتين اللي خبرتكم عنهن

حركة الكم الستريتج اللي اول مرة اسويه،،، باركولي كلولولولوش

وخبروني شو رايكم، اخيرا عرضت شي من اعمالي...في الخياطة

To read this article in english click here

درس::تركيب ازرار القماش بمكبس الازرار

Posted by miia at 1:06 AM 5 comments Links to this post
to read this post in english press here

كان في خاطري هالمكبس من زمان ايام كانت خالتي اتخليني اسير عند واحدة حرمة خصيصا تكبس الازرار
ومن تعلمت الخياطة وطبعا مع هواية الخياطة عندي هوية الاكتفاء الذاتي بالاغراض قدر الاستطاعة وكان هذا الجهاز شغلي الشاغل
الى ان وصتلني هدية من احلى الهدايا اللي وصلتني

بمشاركة منتداي الحبيب منتدى سيدات الامارات نزلت موضوع احتفل فيه بهالمناسبة مع سؤال عن هديتي
وهذا الرابط هني

وكان السؤال عبارة عن صور تخمينية عن هديتي واول 3 يجاوبون لهم هدية عبارة عن 25 زر متنوع اسويه والحمدلله فيه بنات جاوبوا وكان هذا رابط الفائزات والتكريم

**الفائزة الاولى**
ام الريم، طموحة بوظبي

**الفائزة الثانية**
ام عماري ورشود، --أم سيف--

**الفائزة الثالثة**
ثلوج الصيف

بعد ما نزلت الموضوع كان هناك الكثير من الاسئلة عن كيفية عمل الجهاز واللي بانزله الحينة بالتفاصيل

المكبس ايي بأكثر من قطعة

كل قطعة من اللي فوق لها علاقة بالقطعة اللي تحتها

تاخذون القطعة اللي فوق تحطونها على الزنبرك

بهالطريقة



وهذا شكله النهائي

نفس الشي هني
اخذ القطعة الصغيرة ادخلها في التجويفة اللي فوق

بهالطريقة

وجي يكون شكلها


اخذ الجزئية اللي فيها الزنبرك واحطها فوق الحديدة الاسطوانية اللي موجودة في المكبس

يستوي جي شكله

نصل الى موضوع الازرار
الزر عبارة عن قطعتين علوية وسفليه

المسطحة اللي على اليسارأحطة بالقماش
اما الثانية هي اللي فيها الخرم اللي يتركب تحت المسطح

كيف؟؟ تابعوا الصور...

اييب القطعة المسطحة من الزر واقصلها قماشة نفس الحجم تقريبا

احطها على القماش بالعكس


 
واغرسها في الجزئية الثانية اللي تكلمنا عنها قبل

اغرس القماش واحاول اني ادمسه كله داخل

ادمس الجزء الثاني من الزر واحاول اني اتأكد بأن القماش كله بين الزر المسطح والزر المخروم

بعدها اخذ القطعة الحديدية وأركبها فوق الالقطعة اللي عليها الزنبرك

وأكبس

هي متعبة نوعا ما الكباسة كونها على النظام التقليدي، واللي افضله دوم لأن ذكرياتي وياه لذيذة

والحلو انها تؤدي الغرض بكفااااااءة

واترككم مع الازرار اللي سويتها هدايا للفايزات...




واتمنى ان الدرس واضح ومفهوم،، واشوفكم في اعمال ومواضيع اخرى

to read this post in english press here

 

ع miia © Baby Shop is Designed by Ipietoon Sponsored by Emocutez | تعريب وتطوير : حـسـن