Friday, September 25, 2009

جنون الخياطة، الالوان، الاقمشة، والطفولة...

Posted by miia at 4:53 PM
قبل سنة كنت في عز ضغوطي، وفي عنفوان مشاكلي الخاصة، وحشرة عيالي...كنت اسمع المقولة اللي تقول "حول الألم الى ابداع" ما كنت اهتم بهالمقولة...لكن يوم بديت اولي حرتي في شي اسمه خياطة...عرفت معناها صح...

النت بحر، دورت الكثير من الدروس والتكتيكات...صار في اوردر يطلع واوردر ينزل...صار في حياة في غرفتي وفي حياتي...والحياة ما اقول بديتها لما عرفت الخياطة...لأ...بديتها لما الخياطة عرفتني وطلعت مني مكنونات همومي فيها...

صارت البداية مكينة، بعدها طاولة، بعدها خيوط وسيرجر و اقمشة واغراض اتدش وتطلع...

وتجارب شي منها زين وشي منها شين يبيله تعديل حتى يكون افضل من الزين...

وتعلمنا التصوير علشان الحماس يكتمل وافرح بثمرات جهدي...وصرنا نتعلم اكسسوارات الملابس لأني ادمان تطقّيم خصوصا ملابس اليهال...وفي النهاية علمت نفسي بنفسي في غمره ضغوطي الدراسية والعائلية وحولت الألم الى ابداع....ومن هنا القاكم طول الوقت واسولف معاكم على طوووول...:)

0 comments:

Post a Comment

 

ع miia © Baby Shop is Designed by Ipietoon Sponsored by Emocutez | تعريب وتطوير : حـسـن