Friday, September 25, 2009

shopping...shopping...shopping

Posted by miia at 5:33 PM
هاك اليوم كنت حاطة اغراض اون لاين على الانتظار بحيث اخذهن واطرش عليهن...بعدين يت فبالي فكرة فلت ليش يا ام رشود استكشفي اسواق الجملة الأول...







كنا حزتها رادين ثالث يوم العيد من ماريمار العقة من دبا الفجيرة مشينا العيال...وانا في السيارة قلت لبو العيال يوصلني السوق...حسيت فخاطره يقول...ما خلصنا....

المهم ووصلني...

لقيت شغلات كثيرة ارخص بكثير من طقطقة الكيبورد...صح اوفر من ناحية التوصيل والمشاووير...لكن اتروم الواحدة تأجرلها سيارة وتسير مع مجموعة صرقعة اسواق او لو فيها على زحمة ومشاويير دبي اتسيير لأةنها مستحيل تنزل الا وهي حاملة ومحمولة بعد هههه

المهم نرجع للشوبينج واراويكم الصور


هذا الـric rac
حلو لملابس البنات واليهال خذت منه الوان وايدة وتخيلوا معاي الاسعار النص الدرزن من هالالوان "اللفة" ينباع ب 15 درهم بس لازم يكون نفس اللون
وانا هني كونها تجربة يديدة ولأنها خذت من كل لون واحد بس فحسبلي اللفة ب 5 دراهم...وكل محل وبيعته وطريقته...


وهذي الشرايط خذتها كلها من عند واحد استغلالي يعرف ان ريلي حاشرني ويبيني اطلع من المحل فباعلي اياها كلها بـ 120 د


هذي الخرزات حبيتها ذكرتني في العلب الكرافت لعمل الاساور مال البنات اشتريتها ب 12 درهم فيها خرزات مكس...


وهذي اشرطة صوفية منوعة خذتها بكمية مع الشغلات الباجية لها ب 450 درهم


وهذا شكل الورود وايد حبيتها وصاحب المحل وايد طيب عطاني اللفة الوردية زيادة من عنده


هذي الدانتيلات اللي على شكل ورد اترومين اتقصينها واترومين اتحطينها عجبتني الالوان وخذتها


هني ورود منوعة شي منها الدانتيل وشي منها الساتان



عجبتني هالورود الساتان وعليها الكرستالات



وهذي شكل الورود من جريب


وهذي اشرطة ستان حسبلي الدرزن منوع بـ24 درهم يعني حساب الحبة بـدرهمين وفوقها لفتين مجانا..."واحنا نشتري المتر بدرهم من محلات مالك وشهيد وشلته"




هذي لفايف الشرايط اللي فيهن زري...روعة...وكيوت


وهذي بعد بس اخف من الاولى وزريهن كيوت
هذول لفتين حلوين عجبوني



وهذول زراير مكس حلوين بعد حبيتهن

ما عطانا فرصة ألف واتشرا...في شغلات حلوة وروعة لقيتها...بس ما مداني اتم...


بغيت اعطي نصيحة للي يشترون عن طريق أمازون والمواقع الثانية ياخذولهم لفة في سوق مرشد صوب اغراض الخياطة...بيدفعون اقل من اللي يدفعونه أون لاين وأفيد لأن بعض المحلات اتكاسرين فيهن او يعطونج شغلات مجانية...

وألقاكم later،،،

3 comments:

ام الغبث said...

حلو المشكلة ما اقدر اروح دبي والله يبالنا روحة موفقة الغالية

د.سمر on May 6, 2010 at 8:22 PM said...

يحمممممممممممس..

والتنفيذ يحتاج إلى رفقة في السوق وفسحة للتخزين في البيت فقط

ام قلوبي said...

لوسمحتي شسم المحل اللي اشتريتي منه الشرايط وااايد حلوة
انا اسير بس مادلهم ؟؟

Post a Comment

 

ع miia © Baby Shop is Designed by Ipietoon Sponsored by Emocutez | تعريب وتطوير : حـسـن